Markaveisla í sigri Stjörnunnar
Setja bókamerki
Stjarnan bar sigurorð af ÍBV í fimmtu umferð Olís-deildar kvenna, í TM-höllinni í dag, 40:30. Stjörnustelpur náðu strax yfirhöndinni í leiknum og létu hana aldrei af hendi.
Staðan í hálfleik var 21:14, heimastúlkum í vil og munaði þar miklu um stórleik Stefaníu Theodórsdóttur, sem fór hamförum í upphafi leiks.
Garðbæingar héldu áfram að spila vel í síðari hálfleik, þar sem Rakel Dögg Bragadóttir fór fyrir sínu liði, með mörgum glæsilegum mörkum. Þá átti Hafdís Lilja Torfadóttir einnig góðan leik í marki Stjörnunnar og þegar uppi var staðið, munaði 10 mörkum á liðunum.
Markahæstar Stjörnustelpna voru Stefanía Theodórsdóttir með 10 mörk, Rakel Dögg Bragadóttir með sjö mörk og Þorgerður Anna Atladóttir með fimm mörk.
Hjá ÍBV var Ester Óskarsdóttir markahæst með níu mörk, Sandra Erlingsdóttir kom þar skammt undan með átta mörk og Sandra Dís Sigurðardóttir skoraði síðan mörk.
Eftir leikinn er Stjarnan með sjö stig og lyfta sér upp fyrir ÍBV, sem eru áfram með sex stig.
| Stjarnan | 40:30 | ÍBV |
|
|---|---|---|---|
| Leik lokið Öruggur Stjörnusigur í TM-höllinni. | |||
Innviðir þandir og álagið „gríðarlegt“
Starfsfólk gæti fengið reikning frá Skattinum
Stóraukið fé til samgöngusáttmála
Benda á Samgöngustofu sem bendir út í heim
Hjón sluppu með skrekkinn
Ofsóttur innan veggja Boeing
Markaðurinn hitnar og leiguverð hækkar hratt