Hrafnhildur Hanna Þrastardóttir, landsliðskona frá Selfossi, er markahæsti leikmaðurinn eftir fimm umferðir í Olísdeild kvenna í handknattleik.
Hrafnhildur Hanna hefur skorað 44 mörk fyrir Selfyssinga, eða 8,8 mörk að meðaltali í leik.
Á hælum hennar eru Diana Satkauskaite, litháíska skyttan úr Val, og Ester Óskarsdóttir, fyrirliði ÍBV, með 42 mörk hvor, eða 8,4 mörk að meðaltali í leik.
Alls hafa fimmtán konur skorað 20 mörk eða meira í fyrstu fimm umferðunum og það eru eftirtaldar:
Hrafnhildur H. Þrastard., Self 44
Diana Satkauskaite, Val 42
Ester Óskarsdóttir, ÍBV 42
Sandra Erlingsdóttir, ÍBV 36
Maria Ines Da Silva, Haukum 33
Lovísa Thompson, Gróttu 29
Thea Imani Sturludóttir, Fylki 28
Ragnheiður Júlíusdóttir, Fram 27
Þórey Anna Ásgeirsd., Gróttu 27
Steinunn Björnsdóttir, Fram 26
Laufey Á. Guðmundsd., Gróttu 22
Adina M. Ghidoarca, Selfossi 21
Stefanía Theodórsd., Stjörn 21
Perla Ruth Albertsd., Selfossi 20
Sólveig L. Kjærnested, Stjörn 20