Alexander og Guðjón áfram í bikarnum

Alexander Petersson og Guðjón Valur Sigurðsson glaðir í bragði eftir …
Alexander Petersson og Guðjón Valur Sigurðsson glaðir í bragði eftir sigur í meistarakeppninni fyrir nokkru.

Rhein-Neckar Löwen tryggði sér í kvöld sæti í átta liða úrslitum þýsku bikarkeppninnar í handknattleik þegar liðið lagði Erlangen í sextán liða úrslitunum, 29:23.

Löwen var fjórum mörkum yfir í hálfleik, 15:11, og var sigurinn aldrei í hættu í síðari hálfleik. Alexander Petersson skoraði sex marka Löwen úr níu skotum og var markahæstur. Guðjón Valur Sigurðsson skoraði tvö mörk úr sex skotum.

Löwen er því komið í átta liða úrslitin eins og Flensburg, Kiel, Friesenheim, Hannover, Melsungen, Leipzig og Balingen.

mbl.is
Fleira áhugavert
Fleira áhugavert