Bikarmeistarar Vals í handknattleik karla mæta liði Partizan 1949 frá Svartfjallalandi í 16-liða úrslitum í Áskorendabikar Evrópu.
Valsmenn voru í efri styrkleikaflokki þegar dregið var í morgun, en liðið lagði Haslum frá Noregi í tveimur leikjum í 32ja liða úrslitunum.
Lið Partizan lagði liðið Spes frá Kýpur í 32ja liða úrslitunum samtals 49:43. Liðin gerðu jafntefli á Kýpur en Svartfellingar unnu heimaleikinn 27:21.
Fyrri leikurinn fer fram 18. eða 19. febrúar og sá síðari viku seinna.