Fram endurheimti fjögurra stiga forskot sitt á toppi Olís-deildar kvenna með 26:18 sigri á Fylki í Safamýrinni í dag.
Stjarnan minnkaði forystuna niður í tvö stig með sigri á Val í dag en Framkonur voru fljótar að svara fyrir það með öruggum sigri.
Hálfleikstölur voru 11:6 Fram í vil og átti botnliðið ekki mikinn möguleika í toppliðið.
Sigurbjörg Jóhannsdóttir skoraði sex mörk fyrir Fram á meðan átta mörk Theu Imani Sturludóttur dugðu skammt.
Markaskorarar Fram: Sigurbjörg Jóhannsdóttir 6, Ragnheiður Júlíusdóttir 5, Hildur Þorgeirsdóttir 5, Steinunn Björnsdóttir 4, Marthe Sördal 2, Arna Þyri Ólafsdóttir 2, Elísabet Mjöll Guðjónsdóttir 1, Guðrún Þóra Hálfdánardóttir 1.
Markaskorarar Fylkis: Thea Imani Sturludóttir 8, Christine Rishaug 5, Þuríður Guðjónsdóttir 2, Kristjana Björk Steinarsdóttir 1, Vera Pálsdóttir 1, Þórunn Friðriksdóttir 1.