Kári Garðarsson, þjálfari kvennaliðs Gróttu í handknattleik, hefur tilkynnt stjórn og leikmönnum liðsins að hann muni láta af störfum eftir tímabilið.
Kári staðfestir þetta í samtali við netmiðilinn fimmeinn.is. Kári hefur stýrt Gróttuliðinu undanfarin fjögur ár og undir hans stjórn hefur liðið hampað Íslandsmeistaratitlinum undanfarin tvö ár og þá varð liðið bikarmeistari 2015.