Lærisveinar Alfreðs Gíslasonar hjá Kiel áttu ekki í miklum vandræðum með Wetzlar í þýsku 1. deildinni í handknattleik í dag.
Kiel vann leikinn 34:25 eftir að hafa verið með 17:13 forystu í hálfleik og var aldrei spurning hvort liðið myndi vinna leikinn.
Niklas Ekberg skoraði sjö mörk fyrir Kiel og Christian Zeitz var með sex. Kiel er í 3. sæti deildarinnar, þrem stigum á eftir toppliði Flensburg.