Einar býr sig undir hátíð á Selfossi
Setja bókamerki
„Við þurfum að undirbúa okkur fyrir annað stríð á Selfossi. Þeir verða þá á heimavelli í fyrsta skipti í úrslitakeppni síðan 1996 að mér skilst. Þar verður örugglega hátíð,“ sagði Einar Andri Einarsson, þjálfari Aftureldingar, þegar mbl.is spjallaði við hann að loknum sigurleiknum gegn Selfossi í kvöld.
Selfoss var yfir 9:8 að loknum fyrri hálfleik en Aftureldingu tókst að valta yfir Selfoss á síðasta korteri leiksins og sigra 31:17. „Lokakaflinn gæti gefið sjálfstraust upp á framhaldið að gera en einnig getur það verið hættulegt ef menn halda að þeir séu betri en þeir eru. Við þurfum að horfa á fyrri hálfleikinn. Hann var gríðarlega erfiður,“ sagði Einar.
Sókn Aftureldingar gekk erfiðlega gegn framliggjandi vörn Selfoss í fyrri hálfleik. Einar leysti það með því að hefja síðari hálfleikinn með sjö menn í sókn. Heppnaðist það svo gott sem fullkomlega. Réði útspilið úrslitum? „Það hafði alla vega mikil áhrif á leikinn því við skoruðum nánast í hverri sókn í seinni hálfleik. Fengum þá góð færi, vorum agaðir og létum boltann vinna. Ég myndi segja að þetta hafi haft mjög stór áhrif á úrslit leiksins,“ sagði Einar Andri Einarsson við mbl.is.
Ný staða uppi og óvissan meiri
Segjast hafa skotið niður langdræga sprengjuvél
Segjast ekki vera á kaldri slóð
Almannavarnir auka viðbúnað
Sárt að horfa upp á illa meðferð fjármuna
Færa slökkviliðið til nútímans
Gerir ráð fyrir 150 samningum í næstu viku