Vignir Svavarsson, landsliðsmaður í handknattleik, fékk að líta rauða spjaldið þegar lið hans Team-Tvis Holstebro tapaði fyrir Bjerringbro-Silkeborg, 26:25, í sannkölluðum háspennuleik í úrslitakeppni danska handboltans.
Sigurmark Silkeborg var skorað hálfri mínútu fyrir leikslok, en liðið hafði verið fjórum mörkum yfir í hálfleik, 15:11. Vignir komst ekki á blað í leiknum en á 38. mínútu fékk hann sína aðra brottvísun og sá þar með rautt.
Úrslitakeppninni í Danmörku er skipt í tvo fjögurra liða riðla, þar sem tvö efstu liðin í riðlunum komast í undanúrslitin. Mikil spenna er í umspilsriðlinum, en Esbjerg er með 5 stig, Holstebro og Bjerringbro-Silkeborg með 4 stig og Mors-Thy með 2 stig.