Sænska karlalandsliðið í handknattleik átti ekki í neinum vandræðum með að vinna Slóvakíu, 31:17 í lokaumferð undankeppni EM sem fram fer í Króatíu á næsta ári. Svíar hafna í toppsæti 6. riðils með tíu stig, þremur meira en Svartfjallaland.
Staðan í hálfleik var 14:7, Svíum í vil og bættu þeir sænsku hægt og rólega við forystu sína í seinni hálfleik. Kristján Andrésson er þjálfari sænska liðsins.