Íslenska stúlknalandsliðið í handknattleik skipað leikmönnum 17 ára og yngri vann góðan 29:18 sigur á Ísrael í lokaleik liðsins í riðlakeppni Evrópumótsins sem fram fer í Makedóníu.
Berta Rut Harðardóttir skoraði sex mörk fyrir íslenska liðið og þær Birta Rún Grétarsdóttir og Lena Margrét Valdimarsdóttir skoruðu fimm mörk hvor.
ísland hafnaði í þriðja sæti síns riðils og leikur gegn Sviss í leik um fimmta sæti mótsins á morgun.