Kaka tryggði Brasilíu sigur á Króötum

Heimsmeistarar Brasilíu sigruðu Króata í fyrsta leik sínum á HM í Þýskalandi í kvöld 1:0. Leikurinn fór fram á Ólympíuleikvangingum í Berlín en það var miðjumaðurinn Kaka sem tryggði Braslíu sigurinn með laglegu marki á 44. mínútu. Fyrir fram var talið að Króatar yrðu helsta hindrun Brasilíu í riðlinum þar sem einnig leika Ástralir og Japanir. Heimsmeistararnir ættu því að eiga nokkuð greiða leið í 16-liða úrslit samkvæmt því.