Boðflennan vildi Cassano á HM (myndskeið)
Öryggisverðir voru fljótir að koma Ítalanum af vellinum. Reuters
Ítalskur knattspyrnuáhugamaður hefur sennilega ekki farið framhjá þeim sem fylgdust með undanúrslitaleik Þýskalands og Spánar á HM í knattspyrnu í gærkvöld þegar hann hljóp inná völlinn svo stöðva þurfti leikinn.
Maðurinn heitir Mario Ferri og vildi með uppátækinu sýna fram á andstöðu sína við þá ákvörðun þjálfara ítalska landsliðsins að velja ekki Antonio Cassano í landsliðshópinn fyrir mótið.
Ferri hefur áður tekið uppá þessu því hann hljóp inná völlinn í æfingaleik Ítalíu og Hollands síðastliðinn vetur. Hann komst þó ekki langt í gær því öryggisverðir voru fljótir til og komu honum í burtu.
Myndband af atvikinu í gær má sjá hér.
Ferri blés í Vuvuzela-lúður áður en hann var handsamaður. Reuters
