Casillas valinn besti markvörðurinn

Iker Casillas fyrirliði heimsmeistara Spánverja var í kvöld valinn besti markvörður heimsmeistaramótsins í Suður-Afríku. Casillas kom Spánverjum tvívegis til bjargar í úrslitaleiknum gegn Hollendingum í kvöld þegar hann varði frá Arjen Robben og þá varði hann vítaspyrnu í leiknum gegn Paragvæjum í átta liða úrslitunum.