Mandela mætti á leikvanginn

Nelson Mandela og Grace kona hans á leikvanginum í Jóhannesarborg nú siðdegis. Reuters

Nelson Mandela, fyrrum forseti Suður-Afríku, er kominn á leikvanginn í Jóhannesarborg þar sem úrslitaleikur heimsmeistaramótsins í knattspyrnu hefst eftir um klukkustund. Mandela, sem er 91 árs, veifaði til viðstaddra. Hann mun síðan halda heim til sín og fylgjast með leiknum í sjónvarpi.

Mandela ók um leikvanginn í opnum bíl við hlið Grace Machel, eiginkonu sinnar, og veifaði til áhorfenda. Gríðarleg fagnaðarlæti kváðu við. 

Mantela átti stóran þátt í því að Suður-Afríka fékk að halda heimsmeistaramótið. Hann ætlaði að vera viðstaddur opnunarhátíðina 11. júní en kvöldið áður lést 13 ára barnabarnabarn hans í bílslysi.