Spænska liðið lent í Madríd

Iker Casillas eða „Heilagur Iker“ (sp. San Iker), markvörður og fyrirliði spænska landsliðsins, átti stórleik í leiknum í gær. Reuters

Spænska landsliðið í knattspyrnu er komið til Madrídar, höfuðborgar Spánar, með heimsbikarinn. Airbus-þota liðsins lenti á Barajas-flugvellinum rétt eftir hádegi í dag að íslenskum tíma. 

Liðið hvílist nú á hóteli í grennd við flugvöllinn. Síðar í dag tekur við mikil dagskrá þar sem liðið mun meðal annars heimsækja Zapatero, forsætisráðherra í Moncloa-höllinni rétt norðaustan við miðborgina og konungsfjölskylduna í konungshöllinni, sem er afar glæsileg bygging og stendur í hjarta miðborgarinnar. 

Iker Casillas, fyrirliði og markvörður liðsins, kom sigurreifur út úr flugvélinni með bikarinn á lofti. Hann átti erfitt með að halda aftur af sér eftir sigurinn í gær og tárin streymdu hömlulaust fram. Hann var 16 ára gamall þegar hann spilaði í fyrsta skipti fyrir aðallið Real Madrid og var þekktur fyrir það að hjóla alltaf á æfingar enda hafði hann ekki aldur til að aka bifreið.

Spánverjar eru afar stoltir af árangri sinna manna. Íþróttablaðið Marca frá Madrid fer þar fremst í flokki enda þekkt fyrir allt annað en hófstillingu í fréttaflutningi. Þegar Andrés Iniesta, miðjumaðurinn hæfileikaríki, skaut föstu hnitmiðuðu skoti í vinstra hornið í marki Hollendinga á 118. mínútu fylgdi eftirminnileg fyrirsögn í kjölfarið á heimasíðu Marca:

„Iniesta hefur okkur til himna“ 

Carles Puyol, varnarmaðurinn kraftmikli, og Xavi Hernández, eða „Prófessorinn“ eins og hann er stundum nefndur, léku stór hlutverk í sigri ... Reuters

Andrés Iniesta, sem færa má rök fyrir að sé einn hæfileikaríkasti knattspyrnumaður heims hélt um medalíuna við heimkomuna. Hann tryggði ... re