Spænska íþróttadagblaðið AS segir að samkvæmt sínum heimildum muni Luis Suárez fá fjögurra leikja bann frá landsleikjum fyrir að bíta Ítalann Giorgio Chiellini í viðureign Ítalíu og Úrúgvæ í heimsmeistarakeppninni í knattspyrnu.

Það er íþróttafréttamaðurinn Guillem Balague sem skrifar fréttina en hann er heimsþekktur fyrir góð sambönd og áreiðanlegar fréttir úr fótboltanum.

Hann segir að bann FIFA muni aðeins ná yfir landsleiki, málið sé þar skoðað sem einstakt atvik en ekki í samhengi við fyrri brot Suárez. Bannið nái til fjögurra leikja til að öruggt sé að Suárez gæti ekki spilað meira á HM, þó svo Úrúgvæ kæmist alla leið í úrslitaleikinn.

Reiknað er með því að FIFA birti niðurstöðu sína fyrripartinn á morgun, fimmtudag.

Tengdar fréttir

Luis Suárez

Suárez gæti byrjað gegn Real Madríd

• Verður bannið hjá Suárez stytt?
• Aspas: Komið fram við Suárez eins og morðingja
• Balbi: Suárez hefur hjálpað mér mikið
• Barcelona staðfestir Suárez

» Fleiri tengdar fréttir

• Blogga um frétt