Heimsmeistararnir úr leik
Setja bókamerki
Svíþjóð og Mexíkó fara áfram úr F-riðli á HM í Rússlandi, en úrslit riðilsins réðust í dag. Svíþjóð vann leik þjóðanna 3:0, en þar sem Þýskaland tapaði fyrir Suður-Kóreu, fara bæði liðin áfram.
Staðan í leik Svía og Mexíkóa var markalaus þangað til Ludwig Augustinsson skoraði með skoti á fjærstönginni á 50. mínútu. Tólf mínútum síðar bætti Andreas Granqvist við marki úr víti og á 74. mínútu skoraði Edson Álvarez sjálfsmark og 3:0-stórsigur Svía raunin.
Þýskaland hefði komist áfram á kostnað Mexíkóa með sigri á Suður-Kóreu en ríkjandi heimsmeistararnir áttu erfitt með að skapa sér alvörufæri á móti sterkri vörn Suður-Kóreumanna.
Í blálokin sóttu Þjóðverjar á ansi mörgum mönnum og Kóreumennirnir nýttu sér það. Á 92. mínútu skoraði Young-Gwon Kim af stuttu færi og fjórum mínútum síðar bætti Heung-Min Son við marki og sendi Þjóðverja heim.
Svíar enda í efsta sæti riðilsins og Mexíkó í öðru sæti. Andstæðingur þeirra verður Brasilía, Sviss eða Serbía.
Skiptir miklu meira máli en fólk grunar
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
„Það þarf að vinna mikinn fjölda upp“
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi