Frakkar leika til úrslita á HM
Setja bókamerki
Frakkland og Belgía mættust í undanúrslitum heimsmeistaramóts karla í knattspyrnu í dag í Pétursborg en leiknum lauk með 1:0-sigri franska liðsins. Belgar voru sterkari aðilinn í fyrri hálfleik en þrátt fyrir það voru það Frakkarnir sem fengu bestu færi hálfleiksins. Hvorugu liðinu tókst hins vegar að skora og staðan því markalaus í hálfleik.
Samuel Umtiti kom svo Frökkum yfir með skalla eftir hornspyrnu í upphafi síðari hálfleiks. Belgarnir reyndu hvað þeir gátu til þess að jafna metin en tókst aldrei að ógna marki Frakkanna af einhverju viti og lokatölur því 1:0 fyrir Frakka sem spila til úrslita gegn annaðhvort Englandi eða Króatíu í Moskvu á sunnudaginn.
Belgar munu hins vegar spila um bronsið í Pétursborg, 14. júlí næstkomandi en það kemur í ljós á morgun hverjir andstæðingar liðsins verða þegar Króatía og England mætast í Moskvu.
| Frakkland | 1:0 | Belgía |
|
|---|---|---|---|
| Sex mínútum bætt við í Pétursborg. | |||
Æskuvinur Íslendings myrtur í Noregi
„Það þarf að vinna mikinn fjölda upp“
Tóku upp hanskann fyrir leikskólabörn
Handteknir eftir myndatöku í Vesturbæjarlaug
Handtekin eftir að tvö börn fundust látin
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi