Enginn Íslendingur í draumaliði Bents

Daninn Mikkel Hansen er í draumaliðinu en hann hefur leikið sérlega vel með Dönum á HM. Reuters

Daninn Bent Nyegaard handboltasérfræðingur dönsku sjónvarpsstöðvarinnar TV2 hefur valið draumalið sitt á heimsmeistaramótinu. Enginn Íslendingur kemst í liðið hjá Nyegaard sem þjálfaði karlalið Fram á árum áður.

Nyegaard hefur fylgst grannt með HM í Svíþjóð sem og síðustu stórkeppnum en hann er vel þekktur í handboltaheiminum og nýtur virðingar í honum.

Draumalið Nyegaards lítur þannig út:

Markvörður: Johan Sjöstrand (Svíþjóð)

Vinstri skytta: Mikkel Hansen (Danmörku)

Hægri skytta: Marko Vujin (Serbíu)

Leikstjórnandi: Nikola Karabatic (Frakklandi)

Línumaður: Julen Aguinagalde (Spáni)

Vinstri horn: Klónaður Anders Eggert og Lars Christiansen (Danmörku)

Hægri horn: Vedran Zrnic (Króatíu)

Þjálfari: Ulrik Wilbek (Danmörku)