Spánverjar tryggðu sér 3. sætið

Cristian Garcia og félagar hans hjá Spánverjum fá bronzið um hálsin eftir úrslitaleikinn. YVES HERMAN

Á ótrúlegum lokakafla voru Spánverjar sterkari og tryggðu sér bronz verðlaun þegar þeir sigruðu gestgjafa Svía í úrslitaleik, 23:24 á heimsmeistaramótinu í handknattleik. Staðan í hálfleik var 11:11 en markverðir liðanna voru án efa bestu menn leiksins.

Svíar minnkuðu muninn þegar 40 sekúndur voru eftir í 23:24. Spánverjar fóru í sókn og tóku í kjölfarið leikhlé þegar 25 sekúndur voru eftir. Þeir náðu að hanga á boltanum án þess að ógna marki Svía og svo fór sem fór. Það var í raun 7-8 mínútna kafli í seinnihálfleik sem gerði út af við Svía. Þá breyttu Spánverjar stöðunni úr 16:13 Svíum í vil í 16:19. Þeir voru svo alltaf skrefinu á undan og Sterbik í marki Spánverja varði mikilvæga bolta.

Maður leiksins var hinsvegar Johan Sjöstrand markvörður Svía. Hann hélt þeim inní leiknum á löngum köflum í leiknum en datt þó aðeins niður um miðbik síðari háfleiks þegar Spánverjar náðu að rífa sig frá Svíum.

Úrslitaleikurinn milli Danmerkur og Frakka hefst klukkan 16:00