Gríðarlegt áhorf á úrslitaleikinn

Gríðarlegt áhorf var í Danmörku á úrslitaleik Dana og Frakka á heimsmeistaramótinu í handknattleik sem háður var í Malmö í gær. Talið er 87% landsmanna hafi fylgst með leiknum í sjónvarpi eða 2,3 milljónir manna.

Danir töpuðu í háspennuleik þar sem úrslitin réðust í framlengingu en bæði TV2 og danska ríkissjónvarpið voru með beina útsendingu frá leiknum.