„Íslendingar þurfa að spila af hörku“
Ólafur Stefánsson skorar gegn Þjóðverjum. Golli / Kjartan Þorbjörnsson
Stefan Kretzschmar var um árabil lykilmaður í þýska landsliðinu og í liði Magdeburg. Þar lék hann við hlið Ólafs Stefánssonar, Sigfúsar Sigurðssonar og Arnórs Atlasonar og undir stjórn Alfreðs Gíslasonar.
Kretzschmar fylgdist grannt með gangi mála í milliriðli Íslands og Þýskalands í Jönköping enda var hann þar við störf fyrir þýska sjónvarpsstöð.
Morgunblaðið tók hornamanninn litríka tali og spurði hann fyrst hvers vegna Þýskalandi tókst að sigra Ísland en tapið í þeim leik var vendipunktur mótsins hjá Íslendingum. „Eins og Þjóðverjar höfðu spilað í riðlinum þá átti ég ekki von á því að þeir myndu vinna leikinn á móti Íslandi. Að mínu mati komust Íslendingar aldrei í gang í vörninni og Þjóðverjar þurftu ekki að hafa mikið fyrir því að skora. Leikurinn var ekki harður og íslenska liðið þarf að spila af hörku í vörninni til þess að vinna leikina gegn sterkustu liðunum.
Nánar er rætt við Kretzschmar og Daniel Costantini, fyrrum landsliðsþjálfara Frakka, í íþróttablaði Morgunblaðsins í dag.
