Noregur í undanúrslitin

Marit Frafjord er hér að skora eitt af mörkum Norðmanna. Reuters

Stelpurnar hans Þóris Hergeirssonar í norska landsliðinu í handknattleik tryggðu sér í kvöld sæti í undanúrslitum á heimsmeistaramótinu í Brasilíu eftir öruggan sigur á Króötum, 30:25. Norðmenn höfðu tögl og hagldir allan tímann en staðan eftir fyrri hálfleikinn var 16:12.

Norðmenn mæta Brasilíumönnum eða Spánverjum í undanúrslitum á föstudaginn en Brasilía og Spánn eigast við síðar í kvöld.