Spánverjar eru með fullt hús stiga í B-riðli okkar Íslendinga á HM í handbolta karla í Frakklandi eftir 26:21 sigur á Túnis í dag.
Staðan var orðin 4:1 fyrir Spánverjum snemma leiks og stuttu fyrir hálfleik voru Spánverjar komnir í 12:6.
Túnisar neituðu að gefast upp og skoruðu þeir fjögur síðustu mörk fyrri hálfleiks og minnkuðu muninn í 12:10. Munurinn var einmitt tvö mörk þegar tíu mínútur voru til leiksloka, 18:16, en Spánverjar voru betri á lokasprettinum.
Amen Toumi skoraði fimm stig fyrir Túnisa en David Balaguer og Victor Romas fimm mörk hvor. Túnisar eru eins og Íslendingar, stigalausir á botninum.
Norðmenn fóru svo upp að hlið Frakka á topp í A-riðli með 28:24 sigri á Rússum. Norðmenn komust mest sjö mörkum yfir í leiknum og var sigurinn aldrei í hættu. Rússar eru með tvö stig eftir sigur á Japönum í fyrstu umferðinni.
Kristian Björnsen skoraði sjö mörk fyrir Norðmenn og Sander Sagosen var með sex. Hjá Rússum var Igor Soroka með átta.