Rúnar Kárason var markahæsti leikmaður Íslands í tapinu fyrir Frakklandi, 31:25, í 16-liða úrslitum heimsmeistaramótsins í handknattleik í gær.
Rúnar skoraði sjö marka Íslands í leiknum, en hann segir að Frakkarnir hafi sýnt af sér ansi mikinn leikaraskap í leiknum. Þátttöku Íslands er lokið á mótinu, en Rúnar segir að framtíðin sé björt.
„Hefði verið gaman að taka þessa leikara! Við lærum af þessu! Framtíðin er björt!“ skrifar Rúnar meðal annars á Twitter-síðu sína rétt eftir leik um leið og hann þakkaði fyrir stuðninginn.
Sun on the beach hvað hefði verið gaman að taka þessa leikara! Við lærum af þessu! Framtíðin er björt! Takk fyrir ástina twitterfam!
— Rúnar Kárason (@runarkarason) January 21, 2017