Slóvenar tóku bronsið á HM í handbolta karla eftir ótrúlegan 31:30 sigur á Króötum í leiknum um 3. sætið í kvöld.
Króatar voru átta mörkum yfir þegar 20 mínútur voru eftir, 24:16, en stórkostlegur lokakafli tryggði Slóvenum sigurinn.
Króatar gátu tryggt sér framlengingu í blálokin en sókn þeirra rann út í sandinn og gátu Slóvenar því fagnað sínum fyrstu verðlaunum á HM.
Slóvenar skoruðu sex af sjö síðustu mörkum leiksins og tryggðu sér magnaðan sigur. Gasper Marguc, Darko Cingesar og Marko Bezjak skoruðu fjögur mörk hver fyrir Slóvena á meðan Luka Cindric skoraði sjö fyrir Króata.