Jón Arnór Stefánsson og Jakob Örn Sigurðarson, landsliðsmenn og atvinnumenn í körfuknattleik, skrifuðu í dag undir samninga við KR-inga og leika með þeim á komandi keppnistímabili.
Jón Arnór hefur leikið með sterkum liðum í Evrópu undanfarin ár, síðast með Lottomatica Roma á Ítalíu. Jakob lék í Ungverjalandi á síðasta keppnistímabili en þeir eru báðir uppaldir KR-ingar.
Þetta er gríðarlegur liðsstyrkur fyrir KR-inga, enda um tvo af allrabestu körfuknattleiksmönnum landsins að ræða. Báðir sömdu þeir til eins árs.