LeBron James skoraði 47 stig gegn New York
LeBron James. Reuters
Ellefu leikir fóru fram í NBA deildinni í körfubolta í gær. LeBron James skoraði 47 stig og þar af 35 stig í fyrri hálfleik í 113:106 sigri Cleveland gegn New York. Hann gaf 8 stoðsendingar, tók 8 fráköst og hitti úr 6 af alls 12 þriggja stiga skotum sínum. Cleveland hefur nú unnið 11 leiki í röð og er liðið með besta árangur allra liða í deildinni 41/11.
Sænski landsliðsmaðurinn Jonas Jerebko skoraði 20 stig fyrir
Detroit í 99:92 sigri liðsins gegn New Jersey Nets. Jerebko skoraði úr öllum 9
skotum sínum utan af velli. Þetta var 14. Tapleikur Nets á útivelli í röð en
liðið hefur aðeins unnið 1 útileik á tímabilinu og alls eru sigrarnir 4 en
tapleikirnir 46.
Kobe Bryant lék ekki með LA Lakers í sigurleik gegn Portland vegna meiðsla í
ökkla. Bryant hafði leikið 235 leiki í röð fyrir félagið.
Úrslit frá því í nótt:
Charlotte – New Orleans 99:104Cleveland – New York 113:106
Detroit – New Jersey 99:92
Chicago – Miami 95:91
Minnesota – Memphis 109:102
Houston – Philadelpia 95:102
Milwaukee – Indiana 93:81
Utah – Denver 116:106
Portland – LA Lakers 82:99
Golden State – Oklahoma 95:104
LA Clippers – San Antonio 81:98
