Keflavík slapp með skrekkinn

Birna Valgarðsdóttir, leikmaður Keflavíkur. mbl.is/Golli

Keflavík vann Snæfell, 112:105, í framlengdum leik í 1. umferð úrslitakeppninnar um Íslandsmeistaratitil kvenna í körfuknattleik í Stykkishólmi í kvöld. Keflavík vann þar með 2:0 í einvígi liðanna og mætir Hamri í undanúrslitum.

45. mín. Leik lokið og Keflavík hafði betur í framlengingunni. Lokatölur 105:112. Bryndís Guðmundsdóttir skoraði 37 stig fyrir Keflavík, Birna Valgarðsdóttir 31 og Kristi Smith 29. Sharell Hobbs gerði 42 stig fyrir Snæfell og Gunnhildur Gunnarsdóttir 15.

40. mín. Jafnt, 96:96, eftir venjulegan leiktíma og það er framlengt í Hólminum. Sharell Hobbs jafnaði með 3ja stiga körfu fyrir heimaliðið þegar 12 sekúndur voru eftir og hefur gert 39 stig í leiknum. Keflavík nýtti ekki færi í lokin og því er framlengt.

36. mín. Keflavík hefur náð undirtökunum í Stykkishólmi eftir harðan slag og er yfir, 78:82, þegar fjórar mínútur eru eftir. Sharell Hobbs er með 32 stig fyrir Snæfell en Birna Valgarðsdóttir 28 stig fyrir Keflavík.

32. mín. Snæfell var áfram yfir eftir þriðja leikhluta, 65:64. Keflavík skoraði fyrstu fjögur stigin í fjórða leikhluta en nú er s taðan 68:68.

25. mín. Snæfell er áfram með undirtökin þegar þriðji leikhluti er hálfnaður og staðan er 60:56. Sharell Hobbs hefur nú gert 25 stig fyrir Snæfell en Bryndís Guðmundsdóttir 20 fyrir Keflavík.

20. mín. Snæfell er með forystu í hálfleik, 46:45. Sharell Hobbs hefur gert 20 stig fyrir Hólmara en Birna Valgarðsdóttir hefur gert 16 stig fyrir Keflavík og Bryndís Guðmundsdóttir 15.

18. mín. Snæfell hefur snúið  blaðinu við í öðrum leikhluta, skorað 19 stig gegn 7 og staðan er orðin 42:36.

10. mín. Keflavík er yfir eftir fyrsta leikhlutann, staðan er 23:29.

Keflavík vann leik liðanna á föstudagskvöldið, 95:82, á heimavelli sínum og er 1:0 yfir. Sigri liðið í kvöld er það komið í undanúrslit en annars verður oddaleikur í Keflavík á miðvikudagskvöldið.