„Bið stuðningsmenn innilegrar afsökunar“

Magnús Gunnarsson í leik gegn Keflavík. mbl.is/Skúli Sigurðsson

Eftir Skúla Sigurðsson, sport@mbl.is

„Ég vil bara biðja stuðningsmenn Njarðvíkur innilegrar afsökunar á því að trufla þá þetta fína fimmtudagskvöld. Það var líklega eitthvað fínt í sjónvarpinu sem þeir hefðu betur horft á. VIð mættum ekki tilbúnir hvort sem það er stress, spenna eða hreinlega bara hræddir. Við vorum búnir að horfa á bikarleikinn sem við spiluðum hér síðast sem við töpuðum. Og að sjálfsögðu ætluðum við ekki að láta það gerast aftur. En þeir ná að hrekja okkur út úr okkar leik og við vorum ragir þegar við setjum upp okkar sóknarkerfi. Það fóru leikmenn að reyna að redda þessu svo uppá eigin spítur en þá töpuðum við bara boltanum. Við verðum að láta boltann ganga þó svo að þeir pressi á okkur. Ætli þessi og síðasti leikur okkar hér í Keflavík séu ekki okkar slökustu leikir í vetur,“ sagði Magnús Þór Gunnarsson í samtali við mbl.is en hann var atkvæðamestur Njarðvíkinga með 15 stig.

Fjallað er um leikinn í íþróttablaði Morgunblaðsins í fyrramálið.