Bárður: Við vinnum Tindastól

Bárður Eyþórsson. mbl.is/Sverrir

Eftir Helga Reyni Guðmundsson, sport@mbl.is.

Bárður Eyþórsson þjálfari Fjölnis var sáttur með sigurinn gegn Breiðabliki í Iceland Express deildinni í körfuknattleik karla í kvöld: „Við byrjuðum leikinn ekki vel en ég var þó ekkert hræddur við það, við héldum þeim í 10 stigum í 2. leikhluta og lögðum við grunninn að sigrinum á þeim kafla.  Við vorum að skipta úr maður á mann  vörn og svæðisvörn sem þeir áttu í erfiðleikum með að leysa og ég er mjög sáttur með varnarlekinn þegar á heildina er litið.“ 

Um framhaldið hafði Bárður þetta að segja: „Við förum í úrslitakeppnina, við vinnum Tindastól og ég held að aðrir leikir í lokaumferðinni spilist þannig að sigur tryggir okkur sæti í úrslitakeppninni”, sagði Bárður að lokum.