Betra en síðast og kemur næst

„Þetta var nú ekki alveg nógu gott hjá okkur en betra en síðast og stigvaxandi og kemur næst,“ sagði María Lind Sigurðardóttir sem tók 12 fráköst fyrir Haukakonur gegn KR í öðrum undanúrslitaleik liðanna að Ásvöllum í kvöld en það dugði ekki til því KR vann 79:75. KR vann fyrsta leikinn örugglega .

„Við komum miklu ákveðnari til leiks, það munaði aðallega um það frá síðasta leik því við ætluðum að vinna , það gekk samt ekki alveg upp. Við hugsuðum ekkert um síðasta leik, komum nú brjálaðar til leiks og ætluðum ekki að láta gerast aftur eins og í fyrsta leikhluta í síðastaleik svo við urðum að gefa allt í þenna leik. Það kemur samt ekkert annað sigur til greina í næsta leik,“ sagði María.