Sara: „Þetta er ótrúlega fúlt“
Telma Fjalarsdóttir og Margrét Kara Sturludóttir berjast um boltann. Golli / Kjartan Þorbjörnsson
Eftir Stefán Stefánsson, ste@mbl.is„Ég held að ég hafi skorað þriggja stiga körfu einu sinni á ævinni fyrir þennan leik," sagði Sara Pálmadóttir sem skoraði úr öllum þriggja stiga skotum sínum fyrir Hauka gegn KR í kvöld þegar liðin mættust í öðrum undanúrslitaleik liðanna. Hún getur verið sátt við það en var ekki sátt við úrslitin í 79:75 sigri KR.
„Þetta er ótrúlega fúlt en við getum þetta alveg og það vantaði bara oggulítið uppá. Það þýðir ekkert koma og hugsa um að leikurinn sé tapaður fyrirfram, það gengur ekki því ef við töpum erum við farnar í sumarfrí og við ætlum alls ekki að fara í neitt sumarfrí núna, það er pottþétt og við reynum eins og við getum að losna við þá á föstudaginn.“
