Michael Jordan keypti Charlotte Bobcats
Michael Jordan. AP
Nefnd á vegum NBA deildarinnar í körfubolta hefur samþykkt að Michael Jordan fyrrum leikmaður Chicago Bulls og Washington Wizards, geti keypt meirihlutaeign í Charlotte Bobcats liðinu.
Nefndin tók einnig að sér að
verðmeta félagið. Jordan þarf að greiða rúmlega 34,5 milljarða kr. til þess að
kaupa liðið af Robert Johnson sem hefur tapað háum fjárhæðum á liðinu frá því
hann keypti félagið árið 2002. Jordan og
Johnson hafa komist að samkomulagi um kaupin og mun Johnson halda eftir litlum
hlut í félaginu.
Johnson keypti liðið á 37,6 milljarða en heildarskuldir Bobcats eru 12,5
milljarðar kr. Talið er að Johnson hafi tapað um 10 milljörðum á félaginu frá
því hann eignaðist meirihluta í félaginu.
Jordan átti hlut í félaginu en hann
hefur fengið hóp fjárfesta með sér í lið til þess að eignast liðið. Jordan
hefur á undanförnum árum verið með puttana í ýmsum ákvörðunum félagsins og þar
má nefna ráðningun á Larry Brown þjálfara liðsins og hvaða leikmenn hafa verið
valdir í háskólavalinu.
Bobcats hefur leikið vel í vetur en liðið hefur unnið 34 leiki en tapað 32 og getur liðið komist í átta liða úrslit í Austurdeildinni í fyrsta sinn í sögu félagsins.
