Íþróttir
|
Körfubolti
| mbl
| 20.3.2010
| 9:21
LeBron James bætti met Kobe Bryant
LeBron James. Reuters
LeBron James leikmaður Cleveland Cavaliers bætti met í NBA deildinni í nótt þegar hann skoraði sitt 15.000 stig á ferlinum. Hann er sá yngsti í sögu NBA sem nær þessum áfanga.
Kobe Bryant leikmaður LA Lakers átti þetta met en Bryant var 27 ára og 136 daga gamall þegar hann skoraði sitt 15.000 stig. James var 25 ára og 79 daga gamall þegar hann skoraði sitt 15.000 stig. James hefur leikið 657 NBA leiki á ferlinum en hann hóf að leika með Cleveland haustið 2003.
© Árvakur hf.
Öll réttindi áskilin
