Gasol fór fyrir meistaraliði LA Lakers

Sjö leikir fóru fram í NBA deildinni í körfubolta í nótt og gær.  Cleveland lagði Detroit 104:79 og var þetta fjórði sigurleikur Cleveland gegn Detroit á tímabilinu. Þetta er í fyrsta sinn í þrjátíu ár þar sem að Detroit tapar öllum leikjum sínum gegn Cleveland á keppnistímabilinu.

LeBron James hafði hægt um sig í liði Cleveland og skoraði 15 stig og gaf 7 stoðsendingar. Pau Gasol  fór fyrir meistaraliði LA Lakers í 99:92 sigurleik gegn Washington. Spánverjinn skoraði 29 stig og tók 12 fráköst. Þetta var 11. tapleikur Washington í röð.

Úrslit:
New York - Houston 112:116
Indiana - Oklahoma 121:101
LA Clippers - Sacramento 89:102
Atlanta -San Antonio 119:114
Cleveland - Detroit 104:79
LA Lakers - Washington 99:92
Phoenix - Portland 93:87