Íþróttir
|
Körfubolti
| mbl
| 30.1.2012
| 17:02
ÍR-ingar láta Bartolotta fara
James Bartolotta í leik gegn Þór Þorlákshöfn. mbl.is/Kristinn Ingvarsson
ÍR-ingar hafa ákveðið að láta James Bartolotta fara frá félaginu en Gunnar Sverrisson, þjálfari liðsins, staðfesti þetta við netmiðilinn Karfan.is.
Bartolotta var mjög atkvæðamikill með ÍR á síðustu leiktíð en þykir ekki hafa staðið undir væntingum á þessu tímabili samkvæmt fréttinni.
ÍR leikur án Bandaríkjamannsins Roberts Jarvis þessa dagana sem er meiddur auk þess sem leikstjórnandinn Sveinbjörn Claessen meiddist í haust og verður ekki meira með í vetur.
© Árvakur hf.
Öll réttindi áskilin
