NBA: Stórsigur hjá Lakers

Paul Pierce leikmaður Boston í leiknum gegn Cleveland. Reuters

Los Angeles Lakers vann sinn 13. heimasigur í 13 leikjum þegar liðið burstaði Charlotte, 106:73, í bandarísku NBA-deildinni í körfuknattleik.

Sex leikmenn Lakerrs náðu tveggja stafa tölu í stigaskorum en atkvæðamestur var Kobe Bryant með 24 stig og Andrew Bynum var með 20 stig. Gerald Henderson skoraði 14 stig fyrir Charlotte sem hefur nú tapað níu leikjum í röð.

Boston hafði betur gegn Cleveland á útivelli, 93:90. Paul Pierce var stigahæstur í liði Boston með 20 stig en liðið komst óvænt í hann krappann eftir að hafa náð 22 stiga forskoti í leiknum. Þetta var fimmti sigur Boston í síðustu sex leikjum. Kyrie Irving var atkvæðamestur í liði Cleveland með 21 stig.

Carmelo Anthony sneri aftur inn í lið New York Knicks og hann skoraði 25 stig í öruggum sigri liðsins gegn Detroit, 113:86. Landry Fields kom næstur með 18 stig. Hjá Detroit var Jonas Jerebko stigahæstur með 15 stig.

Úrslitin í nótt:

Toronto - Atlanta 77:100
Cleveland - Boston 90:93
Indiana - New Jersey 106:99
New York - Detroit 113:96
Memphis - Denver 100:97
LA Lakers - Charlotte 106:73
Golden State - Sacramento 93:90