Snæfell setti strik í toppbaráttu Keflavíkur

Bæði Valur og Keflavík eru á ferðinni í kvöld en þó á sitthvorum staðnum. Keflavík í Stykkishólmi og Valur í Hveragerði. Golli / Kjartan Þorbjörnsson

Keflavík missteig sig í toppbaráttu Iceland Express-deildar kvenna í körfuknattleik þegar liðið heimsótti Snæfell. Heimastúlkur byrjuðu mun betur og höfðu yfirhöndina allan leikinn. Lokatölur voru 91:83 en nýr leikmaður Snæfells Jordan Lee Murphree átti stórleik og skoraði 31 stig. 

Á sama tíma áttust Njarðvík og Fjölnir við en Njarðvík var fyrir leiki kvöldsins fjórum stigum á eftir Keflavík í öðru sæti. Njarðvík nýtti sér tap Keflavíkur mjög vel og minnkaði forskotið í tvö stig með öruggum 33 stiga sigri 95:62.

Í Hveragerði hefur gengi liðsins heldur betur snúist við að undanförnu með tilkomu nýrra leikmanna en þær unnu Val 86:83. Valur byrjaði mun betur en leikmenn Hamars jöfnuðu metin í lok þriðja leikhluta. Þær gengu svo á lagið í þeim fjórða.

Fylgst með gangi mála í beinni textalýsingu hér að neðan.

Snæfell - Keflavík 91:83 LEIK LOKIÐ

Njarðvík - Fjölnir 95:62 LEIK LOKIÐ

Hamar - Valur 86:83 LEIK LOKIIÐ

Tölfræði:

Njarðvík - Fjölnir 95:62

Njarðvík, Iceland Express-deild kvenna, 01. febrúar 2012.

Gangur leiksins:: 9:2, 14:6, 26:8, 30:10, 33:12, 33:19, 44:23, 49:29, 55:35, 61:41, 67:43, 74:45, 78:47, 80:52, 85:58, 95:62.

Njarðvík: Lele Hardy 24/17 fráköst/5 stoðsendingar, Shanae Baker-Brice 20/5 stoðsendingar, Petrúnella Skúladóttir 14/5 fráköst, Ólöf Helga Pálsdóttir 11, Salbjörg Sævarsdóttir 9/9 fráköst, Erna Hákonardóttir 8, Andrea Björt Ólafsdóttir 4, Sara Dögg Margeirsdóttir 3, Harpa Hallgrímsdóttir 2.

Fráköst: 22 í vörn, 20 í sókn.

Fjölnir: Brittney Jones 33/6 fráköst/7 stoðsendingar, Bergdís Ragnarsdóttir 12/7 fráköst/5 stolnir/3 varin skot, Eva María Emilsdóttir 6/5 fráköst, Hugrún Eva Valdimarsdóttir 5/7 fráköst, Erla Sif Kristinsdóttir 4/4 fráköst, Birna Eiríksdóttir 2.

Fráköst: 22 í vörn, 8 í sókn.

Dómarar: Jakob Árni Ísleifsson, Halldór Geir Jensson.

Hamar - Valur 86:83

Hveragerði, Iceland Express deild kvenna, 01. febrúar 2012.

Gangur leiksins:: 2:5, 7:13, 13:22, 15:27, 22:34, 29:34, 35:40, 39:44, 41:50, 50:58, 59:58, 63:63, 68:65, 74:69, 82:76, 86:83.

Hamar: Katherine Virginia Graham 26/6 fráköst, Samantha Murphy 24/5 fráköst/7 stoðsendingar, Fanney Lind Guðmundsdóttir 14, Íris Ásgeirsdóttir 11, Álfhildur Þorsteinsdóttir 5, Marín Laufey Davíðsdóttir 4, Jenný Harðardóttir 2.

Fráköst: 15 í vörn, 8 í sókn.

Valur: Kristrún Sigurjónsdóttir 21/4 fráköst, María Ben Erlingsdóttir 16/5 fráköst, María Björnsdóttir 16, Margrét Ósk Einarsdóttir 14/8 fráköst/6 stoðsendingar/3 varin skot, Guðbjörg Sverrisdóttir 13, Signý Hermannsdóttir 3/4 fráköst.

Fráköst: 18 í vörn, 7 í sókn.

Dómarar: Björgvin Rúnarsson, Ísak Ernir Kristinsson.

Snæfell - Keflavík 91:83

Stykkishólmur, Iceland Express-deild kvenna, 01. febrúar 2012.

Gangur leiksins:: 8:0, 14:6, 19:13, 29:18, 29:20, 37:23, 39:26, 45:38, 50:40, 52:45, 58:53, 63:59, 72:66, 77:70, 83:76, 91:83.

Snæfell: Jordan Lee Murphree 31/6 fráköst/10 stolnir, Alda Leif Jónsdóttir 17/9 fráköst, Kieraah Marlow 16/10 fráköst/7 stoðsendingar, Helga Hjördís Björgvinsdóttir 10/6 fráköst, Hildur Sigurdardottir 9/9 fráköst/7 stoðsendingar, Hildur Björg Kjartansdóttir 8/4 fráköst.

Fráköst: 28 í vörn, 16 í sókn.

Keflavík: Pálína Gunnlaugsdóttir 33/4 fráköst, Jaleesa Butler 18/14 fráköst, Shanika Chantel Butler 13/6 stoðsendingar, Birna Ingibjörg Valgarðsdóttir 11/5 fráköst, Helga Hallgrímsdóttir 3/9 fráköst, Hrund Jóhannsdóttir 3, Sara Rún Hinriksdóttir 2.

Fráköst: 21 í vörn, 15 í sókn.

Dómarar: Sigmundur Már Herbertsson, Steinar Orri Sigurðsson.

20:59 Þá er hinum tveimur leikjunum lokið en Snæfell vann ótrúlegan sigur á Keflavík 91:83. Þá vann Hamar lið Vals eftir frábæran þriðja og fjórða leikhluta. 86:83.

20.43 Þegar fjórði leikhluti er hálfnaður hefur Hamar komist yfir 74:67. Frábær kafli hjá heimastúlkum þessar síðustu mínútur. Snæfell hefur nú 7 stiga forskot gegn Keflavík þegar 5 mínútur eru eftir 77:70. 

20.35 Hamar hefur jafnað metin í lok þriðja leikhluta, 63:63 gegn Val en liðið hefur verið skrefinu á eftir alveg frá upphafi. Það sama er að gerast í Stykkishólmi þar sem Keflavík hefur saxað verulega á forskot Snæfells en staðan þar er 63:59. Þá hafði Njarðvík öruggan sigur á Fjölni 95:62 en þeim leik er lokið.

20.17 Leikur Njarðvíkur og Fjölnis hefur aldrei verið spennandi og enn síður nú eftir þriðja leikhlutann. Staðan er 74:45 og nánast hægt að bóka sigur þeirra grænu og hvítu. Þriðji leikhluti er nýhafinn í hinum tveimur leikjunum þar sem Snæfell og Valur eru yfir.

20.04 Það er kominn hálfleikur í viðureign Snæfells og Keflavíkur. Þar hafa heimastúlkur enn gott forskot en staðan er 37:23. Það er lítið skorað og í raun ótrúlegt að Snæfell haldi efsta liði deildarinnar í 23 stigum í fyrri hálfleik. Heldur hefur dregið saman með Hamri og Val en staðan þar er 41:44 í hálfleik.

19.50 Það er kominn hálfleikur í Njarðvík þar sem heimstúlkur og Fjölnir eigast við. Enn helst 20 stiga munur á liðinum eins og hann var eftir fyrsta leikhluta. Njarðvík hefur hinsvegar aðeins hægt á sér í sóknarleiknum en Fjölnir gefið í. Staðan er 49:29. Þegar fjórar mínútur eru til hálfleiks í viðureign Snæfells og Keflavíkur hafa heimstúlkur enn undirtökin, 37:23. Í Hveragerði er staðan 27:34, Val í vil þegar um fimm mínútur eru eftir af öðrum leikhluta.

19.35 Njarðvík ætlar greinilega ekki að gefa Fjölni minnsta möguleika á að taka stigin tvö sem liðin berjast um í kvöld. Staðan eftir fyrsta leikhluta er 30:10, hreint út sagt ótrúlegar tölur. Lele Hardy er með tæpan helming stiga Njarðvíkur eða 14 en hún hefur auk þess tekið 7 fráköst. Snæfell er að spila mjög vel gegn efsta liði deildarinnar, Keflavík. Staðan þar er 29:18. 
Í Hveragerði eiga heimastúlkur í Hamri í miklum erfiðleikum með Valsliðið en staðan er 13:22 Val í vil. Enn eru þó um tvær mínútur eftir af fyrsta leikhluta í Hveragerði.

19.21 Snæfell byrjar af krafti og skorar fyrstu sex stig leiksins og staðan því 6:0. Ætli ferðalagið hafi farið illa í leikmenn Keflavíkur? Í Njarðvík auka heimstúlkur enn forskotið sem er nú 8 stig, 14:6. Engin tíðindi hafa enn borist úr leik Hamars og Vals.

19.18 Þá eru leikirnir þrír byrjaðir en í Njarðvík eru þrjár mínútur liðnar og staðan þar strax orðin 9:4. Snæfell skorar hinsvegar fyrstu stigin í Stykkishólmi og staðan þar 2:0.