Jarryd Cole: Má ekki vera minna

Jarryd Cole, leikmaður Keflavíkur. mbl.is/Golli

Stefán Stefánsson
ste@mbl.is

„Ég get gert betur en þetta er talan sem ég verð að ná, ekkert minna,“ sagði Keflvíkingurinn Jarryd Cole léttur í bragði en hann tók 18 varnarfráköst í 90:77-sigri á KFÍ í Keflavík í kvöld, sem dugði til að komast í úrslit bikarkeppninnar í körfubolta.

Öllu alvarlegri sagði Cole að lið sitt hefði þurft að hafa fyrir sigrinum. „Við vissum að við værum að mæta góðu liði með góða leikmenn svo þetta yrði barátta en við gáfum allt okkar í öðrum leikhluta. Sumir segja jafnvel að það hafi verið vanmat hjá okkur en KFÍ er með gott lið og lagði mikið á sig, en við bjuggumst við því, sem dugði til sigurs.“