Íþróttir
|
Körfubolti
| mbl
| 6.2.2012
| 8:45
James og Wade sáu um Toronto
LeBron James reynir að komast framhjá Ed Davis í leik Miami og Toronto. Reuters
Miami Heat lenti í talsverðum vandræðum með Toronto Raptors á heimavelli í NBA-deildinni í körfuknattleik í nótt en náði að knýja fram sigur, 95:89.
LeBron James og Dwyane Wade voru í aðalhlutverkum og skoruðu um 60 prósent af stigum Miami, James gerði 30 og Wade 25, en DeMar DeRozan skoraði 25 stig fyrir kanadíska liðið.
Boston Celtics vann Memphis Grizzlies, 98:80, í hinum leiknum af aðeins tveimur sem fram fóru í nótt. Kevin Garnett skoraði 24 stig og tók 9 fráköst fyrir Boston og Rajon Rondo átti 14 stoðsendingar. Rudy Gay skoraði 21 stig fyrir Memphis.
© Árvakur hf.
Öll réttindi áskilin
