Jakob fór mikinn með Sundsvall

Jakob Örn Sigurðarson. mbl.is/Kristinn Ingvarsson

Jakob Örn Sigurðarson fór mikinn með sænska meistaraliðinu Sundsvall þegar liðið hafði betur gegn botnliði Örebro. 92:80, í sænsku úrvalsdeildinni í körfuknattleik í kvöld.

Jakob skoraði 30 stig í leiknum og átti 3 stoðsendingar. Hlynur Bæringsson stóð einnig fyrir sínu en hann skoraði 12 stig og tók 7 fráköst en Pavel Ermolinkij lék ekk með liðinu vegna meiðsla.

Logi Gunnarsson skoraði 8 stig fyrir Solna í sigri liðsins á Uppsala, 88:74.

Brynjar Þór Björnsson og félagar hans í Jämtland töpuðu á heimavelli fyrir Norrköping, 81:83, þar sem gestirnir skoruðu sigurkörfuna tveimur sekúndum fyrir leikslok.

Helgi Már Magnússon skoraði 4 stig fyrir Stockholm 08 þegar liðið tapaði á heimavelli fyrir LF Basket, 85:79.