KR vann Stjörnuna í spennuleik - Haukar lögðu Keflvíkinga
Justin Shouse með boltann í viðureign KR og Stjörnunnar í kvöld. mbl.is/Ómar Óskarsson
Íslandsmeistarar KR-inga lögðu Stjörnumenn, 89:87, í æsispennadi leik í Iceland Express-deild karla í körfuknattleik en liðin áttust við í Frostakjóli í kvöld. KR-ingar tryggðu sér sigur með því að skora úr tveimur vítaskotum á lokasekúndunni. Á Ásvöllum fögnuðu Haukar langþráðum sigri en þeir höfðu betur í framlengingu, 73:71.
KR - Stjarnan (20:20) (47:44) - (74:71) 89:87
Haukar - Keflavík (17:22) (30:41) - (52:53) (63:63) - 73:71
Joshua Brown tryggði KR-ingurinn sigurinn með því að skora úr tveimur af þremur vítaskotum sem hann fékk þegar 1,6 sekúndur voru til leiksloka. Brown var stigahæstur KR-inga með 21 stig og Robert Ferguson kom næstur með 15 stig. Hjá Stjörnumönnum var Justin Shouse atkvæðamestur með 28 stig.
Haukar unnu sinn þriðja sigur með að leggja Keflvíkinga í æsispennandi leik en úrslitin réðust í framlengingu. Emil Barja var stigahæstur í liði Hauka með 23 stig og Hayward Fain skoraði 13. Hjá Keflvíkingum var Jarryd Cole atkvæðamstur með 22 stig og Magnús Gunnarsson skoraði 14.
