Valskonur lögðu Fylki (myndskeið)
Elín Metta Jensen skoraði tvö mörk í kvöld. mbl.is/Árni Sæberg
Valskonur fóru langt með að tryggja sér Reykjavíkurmeistaratitil kvenna í knattspyrnu í kvöld þegar þær sigruðu Fylki, 4:2, í Egilshöllinni.
Valur er með 9 stig en Fylkir 6. Valur er með markatöluna 14:2 en Fylkir 11:5. Valskonum nægir jafntefli við Þrótt í lokaleiknum til að verða meistarar en tapi þær leiknum þarf Fylkir að sigra Fjölni með minnst fimm mörkum.
Staðan var 1:1 eftir aðeins fjórar mínútur en fyrst skoraði Eva Núra Abrahamsdóttir fyrir Fylki og síðan jafnaði Mist Edvardsdóttir fyrir Val og þannig stóð í hálfleik.
Elín Metta Jensen kom Val yfir með fallegu skoti á 59. mínútu en Rakel Jónsdóttir jafnaði fyrir Fylki tíu mínútum síðar, 2:2.
Sex mínútum fyrir leikslok skoraði fyrirliðinn Rakel Logadóttir, 3:2, og tveimur mínútum síðar innsiglaði Elín Metta sigur Vals með sínu öðru marki.
Myndskeið af mörkunum er komið á heimasíðu SportTV sem sýndi leikinn beint og það er á þessari slóð:
