Flottur sigur Þórs í Garðabæ
Úr leik Stjörnunnar og Þórs í kvöld. mbl.is/Ómar
Þór úr Þorlákshöfn vann góðan sigur á Stjörnunni í Garðabænum í Iceland Express-deild karla í kvöld. Lokatölur urðu 80:88 eftir að Þór hafði verið yfir lengst af. Fylgst var með gangi mála hér á mbl.is
Leik lokið, 80:88. Fínn sigur hjá Þór, enleikmenn gáfust ekki upp þó Stjörnumenn sæktu að þeim á lokamínútunum.
Fjölnir - Haukar 68:79 LOKIÐ
Njarðvík - Snæfell 88:78 LOKIÐ?
35 mín. 68:75 Sjö stiga munur en Þór var kominn í 62:75 en Stjarnan hefur aðeins tekið sig á og gert síðustu sex stig og lykilmenn hjá Þór komnir með fjórar villur og dómgæslan síðustu sekúndurnar virðist detta með heimamönnum.
30 mín. 56:63 Það er allt í járnum og þessi tíu stig virðast ætla að verða Stjörnumönnum erfið. Shouse, sem er með 22 stig, setti niður þrist í lokin þannig að munurinn er sjö stig fyrir síðasta leikhluta.
Fjölnir - Haukar 46:61
Njarðvík - Snæfell 65:64
25 mín. 46:57 Sama baráttan heldur áfram en Stjörnumönnum gengur erfiðlega að minnka muninn.
Fjölnir - Haukar 39:53
Njarðvík - Snæfell 53:53
20 mín. 40:49 Þór var kominn með mjög vænlega stöðu, 34:49, en Stjarnan gerði síðustu sex stigin og lagaði stöðuna þannig að munurinn er bara níu stig í hálfleik. Shouse er með 14 stig fyrir Stjörnuna og Darrin Govens 14 fyrir Þór.
15 mín. 28:38 Gestirnir hafa enn undirtökin í nokkuð hröðum og skemmtilegum leik. Vörn Stjörnunnar virkar ekki eins vel og heimamenn vildu.
10 mín. 21:27. Góður kafli hjá Þór breytti stöðunni í lok leikhlutans úr 20:20 í 20:27. Stigahæstur er Renato Lindmets með 8 stig eins og Justin Shouse en hjá Þór er Blagoj Janev með 11 stig.
Staðan eftir fyrsta leikhluta í Grafarvogi er 14:27 fyrir Hauka
Staðan í Njarðvík eftir fyrsta leikhluta er 24:18 fyrir Njarðvík á móti Snæfelli.
4 mín. 12:7 Stjarnan komst í 7:2 en Þór jafnaði, stefnir í hörkuleik þar sem liðin virðast ekki ætla að gefa neitt eftir og einhverjir gætu lent í villuvandræðum.
Staðan í Grafarvogi er 2:13 fyrir Hauka en jafnara er í Njarðvík þar sem Snæfell er 12:13 yfir.
Liðin hita nú upp af miklum eldmóði en athygli vekur að Þór er aðeins með níu leikmenn á meðan Stjarnan er með 12 leikmenn til taks.
Stjarnan er í þriðja sæti með 20 stig líkt og KR og Keflavík en Þór er í 6. sæti með 18 stig líkt og Snæfell. Það má því búast við skemmtilegum leik í Garðabænum.
