Sigurhefðin er sterkasta vopn Keflvíkinga
Keflvíkingar hafa unnið fjölda titla en Tindastóll engan. mbl.is/Árni Sæberg
Spurður um úrslitaleikinn hjá körlunum klukkan 16 á milli Keflavíkur og Tindastóls segir Ágúst Björgvinsson Keflvíkinga vera sigurstranglegri, einfaldlega hefðarinnar vegna.
„Ég myndi nú segja að Keflavík sé sigurstranglegri. Þar er ótrúleg hefð og hjá Keflvíkingum eru menn eins og Sigurður Ingimundarson og Magnús Þór Gunnarsson sem hafa farið svo oft í Höllina. Þeir eru reyndar ekki margir hjá Keflavík núna en nokkrir.
Ég tel því að Keflavík sé sigurstranglegra liðið en á móti kemur að Tindastóll hefur aldrei farið áður í bikarúrslitaleikinn og það hlýtur að vera alveg ótrúlega mikil stemning fyrir norðan. Þeir eru litla liðið í þessu og þess vegna halda örugglega margir með þeim í þessum slag,“ sagði Ágúst en benti á að Sauðkrækingar tefldu fram leikmönnum með einhverja reynslu.
Nánar er fjallað um bikarúrslitaleikina í íþróttablaði Morgunblaðsins í dag.
