Ari rekinn frá KR - Finnur tekur við

Ari Gunnarsson er hættur þjálfun KR-liðsins. mbl.is/Eggert Jóhannesson

Körfuknattleiksdeild KR hefur sagt Ara Gunnarssyni þjálfara meistaraflokks kvenna upp störfum að því er fram kemur í tilkynningu sem birt er á heimasíðu KR í kvöld.

Tilkynningin hljóðar þannig;

„Körfuknattleiksdeild KR hefur sagt upp samningi við Ara Gunnarsson, þjálfara meistaraflokks kvenna. Körfuknattleiksdeild KR vill þakka Ara fyrir dvöl sína í félaginu og óskar Ara alls hins besta. Við Ara tekur Finnur Freyr Stefánsson. Finnur er öllum hnútum kunnugur í félaginu og hefur mikið látið að sér kveða í yngriflokkum félagsins. Finnur mun stýra liðinu út þetta keppnistímabil.

f.h. körfuknattleiksdeildar KR

Böðvar E. Guðjónsson

formaður