Treyja Iverson lögð til hliðar

Philadelphia 76ers ætlar að heiðra einn af sínum dáðustu sonum, Allen Iverson, með því að leggja treyjunni hans og hengja upp í rjáfur. Slíkt þykir mikill heiður vestanhafs. Iverson spilaði í treyju númer þrjú þegar hann var með liðinu í áratug, frá 1996-2006.

Þar með verður Iverson áttundi leikmaður 76ers sem fær treyjuna sína upp í rjáfur. „Iverson er ein mesta goðsögn sem hefur spilað með Philadelphiu-liðinu og það er okkur mikill heiður að heiðra hann með þessum hætti,“ sagði eigandi liðsins, Scott O´Neal, um helgina. Treyjan hans Iverson verður dregin upp í rjáfur fyrsta mars á næsta ári.