Magnús Þór Gunnarsson gerði sig sekan um leikaraskap í viðureign Stjörnunnar og Keflavíkur í Garðabænum í gærkvöld, í 8-liða úrslitum Dominos-deildarinnar í körfuknattleik.
Magnús var í baráttu við Fannar Frey Helgason undir körfunni en féll svo með leikrænum tilburðum niður. Dómarar leiksins gerðu enga athugasemd við athæfið og leiknum var einfaldlega haldið áfram eins og sjá má á meðfylgjandi myndbroti frá vefsíðunni Leikbrot.is.
Stjarnan vann leikinn og Keflvíkingar eru því komnir með bakið upp við vegg, 2:0 undir í einvíginu. Liðin mætast þriðja sinni í Keflavík á föstudagskvöld.
Myndbandið: